2026 жылдың 17 ақпан күні Мәдениет орта мектебінде Айыртау ауданының полиция бөлімінің Кәмелетке толмағандар инспекторы полиция майоры Ержан Бақытұлы Жүнісов кәмелетке толмағандар арасында құқықбұзушылық пен қылмыстың алдын алу бойынша профилактикалық жұмыстар жүргізді.
Оқушыларға жасөспірімдер арасында құқықбұзушылықтың себептері, оның салдары, заң талаптарын сақтау қажеттілігі кеңінен түсіндірілді. Сонымен қатар оқушыларға психологиялық қиындықтар туындаған жағдайда көмек сұраудың маңыздылығы айтылып, қауіпсіз мінез-құлық дағдылары бойынша ұсыныстар берілді. Нашақорлық пен есірткі қылмысының зияны туралы нақты мысалдар келтіріліп, салауатты өмір салтын ұстанудың маңыздылығы насихатталды.
