Жаңалықтар

17 мамыр күні Айыртау ауданының қосымша білім беру орталығының «Жас өлкетанушылар» үйірмелері арасында «Айыртау – асыл аймақ» тақырыбында аудандық мектепішілік слеті өтті.

Ең алдымен командалар «Ботай» мемлекеттік тарихи-мәдени музей қорығының экспозициялық залында болып, онда Ботай мәдениеті жәдігерлерімен танысты.

«Мәңгілік ел» саябағында өткен туристік слетте жас өлкетанушылар 10 бағытта түрлі сайыстарға қатысып, өздерінің білімдерімен, алғырлықтарымен, шапшаңдылықтарымен көзге түсті.

Осы командалар арасында өткен сайыстардың қорытындысы бойынша мектебіміздің оқушылары «Қарасай қырандары» командасы (жетекшісі – Айгерим Нурхалиевна) жүлделі І орынға ие болып, жарыстың жеңімпазы атанды.