Тақырыбы: «Бала қауіпсіздігі – қоғам келешегі» 1. Күн тәртібіндегі бірінші мәселе бойынша кіріспе сөзді мектеп директоры Абильтаева Б.Г. «Балалардың қауіпсіздігін қамтамасыз ету шараларын өзектендіру» атты тақырыпта бастады. Бала қауіпсіздігі бүгінгі күннің өзекті мәселесі екені туралы, жас ұрпақты қорғау үшін ата-ана мен мектеп бірлесе жұмыс атқару керектігін атап өтті.
2. Екінші мәселе бойынша мектептің әлеуметтік педагогі «Бала қауіпсіздігі – қоғам келешегі» тақырыбында баяндама жасады. Қазіргі кезде смартфонда баланың өміріне қауіп төндіретін ойын таралып жатқанын, сол ойынға кіріп, балалар арасында қайғылы жағдайлар орын алып отырғанын хабарлады. Ата- аналар үйде баласының смартфонын тексеріп, ойынға тіркелгенін, тіркелмегенін бақылап отыруларын ескертті. Мектепке білім алушылардың телефон алып келмеулерін, қадағалауды оның ішінде түрлі сайттарға кірмеулерін бақылауда ұстау керектігін айтып өтті.
3. Үшінші мәселе бойынша мектеп психологі Жусупова М.Г. «Мен баламды танимын ба?» тақырыбында ата-аналармен тренинг өткізді. Тренинг барысында баланың көңіл-күйіне, мінезінің өзгеруіне көңіл бөлу керектігі айтылды. Баламен сырласу, сөйлесудің тәсілдері ұсынылды. Бала мінезінен өзгеріс байқалса мектеп психологіне айту керектігі ескертілді. Мектептің ата-аналарға педагогикалық қолдау көрсету орталығы балаға қатысты кез келген мәселені шешуге көмектесетіні еске салынды.
4. Төртінші мәселе бойынша ата- аналар комитетінің мүшесі сөз сөйледі. Ата- аналардың балаларына дұрыс көңіл бөліп, тәрбие берудің маңызы туралы айтылды. Әсіресе бүгінгі күннің мәселесіне қатысты балалардың смартфонды сауатты пайдалануын, мектепте телефон ұстамауын қадағалау керектігі айтылды.
